Yoshlar terma jamoamiz yig'inni g'alaba bilan yakunladi

U23 Osiyo kubogi saralash bahslariga tayyorgarlik ko'rayotgan O'zbekiston yoshlar terma jamoasi uchun 10-17 fevral kunlari Toshkent shahrida o'quv-mashg'ulot yig'ini tashkil etildi.

«Chig'atoy» stadionida o'tgan mashg'ulotlarga murabbiylar shtabi 26 nafar futbolchini jalb etdi. Ravshan Haydarov murabbiyligi ostidagi yoshlarimiz yig'in davomida Superliga klublariga qarshi nazorat uchrashuvlarida maydonga tushdi.

Kecha bo'lib o'tgan yig'inning so'nggi nazorat bahsida yoshlarimiz «Metallurg» vakillarini 2:0 hisobida mag'lub etdi. Gollarga Avaz O'lmasaliev va Jasur Jaloliddinov mualliflik qildi.

Nazorat uchrashuvi
O'zbekiston U22 - «Metallurg» - 2:0
Gollar: Avaz O'lmasaliev, Jasur Jaloliddinov
O'zbekiston U22: Azizxon Isakov, Marlen Chobanov, Jasurbek Yoqubov, Dilshod Komilov, Bek Abdullaev, Avaz O'lmasaliev, Anvar Jo'raev, Humoyun Iminov, Shoxmalik Komilov, Jasur Jaloliddinov, Mahmud Qudratullaev
Zaxira: Umidjon Ergashov, Mashhur Muxammadjanov, Abdug'ani Kamolov, Ibrohim Yo'ldashev, Jasur Jumaev, Nodirbek Kuyboqov, Bobur Askarov, Suhrob Izzatov, Asad Sobirjonov, Kamron Saidazimov, Abdulaziz Abdurashidov, Shohrux Abdurahmonov