Osiyoda JCh-2022 saralash bosqichi qolgan o'yinlari markazlashgan holda o'tkaziladi

Osiyo futbol konfederatsiyasi 2022 yilda Qatarda o'tadigan Jahon chempionati uchun 2-saralash bosqichi doirasidagi mart oyiga belgilangan o'yinlarni iyun oyiga ko'chirish haqida qaror qabul qildi. Bunga qit'ada koronavirus pandemiyasi bilan bog'liq vaziyat sabab bo'lmoqda.

Bundan tashqari, saralash bosqichining so'nggi tur o'yinlari markazlashgan holda o'tkazilishi rejalashtirilmoqda. Markazlashgan musobaqaga mezbonlik qilish uchun esa O'zbekiston, Saudiya Arabistoni, Qatar va Avstraliya mamlakatlari ariza berishgan.

O'zbekiston terma jamoasi o'rin olgan "D" guruhi o'yinlari esa Saudiya o'tkazilishi mumkin. Taqvimga ko'ra, saudiyaliklar qolgan 4ta uchrashuvning 3tasini o'z maydonlarida o'tkazishlari kerak edi. O'zbekiston esa qolgan 3ta bahsning bittasini o'z uyida o'tkazishi lozim.

Markazlashgan holda o'tadigan qolgan o'yinlar taqvimi esa quyidagicha bo'lmoqda:

"D" guruhi

3 iyun
Falastin - Singapur
Saudiya Arabistoni - Yaman

7 iyun
Yaman - O'zbekiston
Singapur - Saudiya Arabistoni

11 iyun
Saudiya Arabistoni - Falastin
O'zbekiston - Singapur

15 iyun
Saudiya Arabistoni - O'zbekiston
Falastin - Yaman