Valeriy Karpin: «Shomurodov? U O'zbekistonga qaytib ketadi, deb o'ylagandim, ammo Eldor Italiyani zabt etmoqda»

"Rostov" bosh murabbiyi Valeriy Karpin "Jenoa" hujumchisi Eldor Shomurodov haqida o'z fikrini bildirib o'tdi.

— "Yuventus"ning qiziqishi? Bu haqda eshitgandek bo'ldim. Buni jurnalistlar o'ylab topgan bo'lsa kerak. U "Jenoa"da nechta gol urdi? Ikkitami? Yana ikkita golga uzatma berdimi? Barakalla!

Nechta o'yin o'tkazdi? 15? Statistika yuqori darajada.

Mening unga maslahatim? Tilni o'rganish hamda murabbiy bilan o'yin borasida gaplashish kerak. U mening talablarimni bajardi va shuning uchun o'ynab ketdi. Uning uchun kam pul to'lamadik. Unga faqat so'nggi yilga kelib ishondik. Bungacha esa uning qachon O'zbekistonga qaytib ketishini o'ylardim. Hozir esa u Italiyani zabt etmoqda. U murabbiy talab qilgan narsani bajarishi kerak. Shunda hammasi joyida bo'ladi", — dedi Karpin Nobel YouTube-kanaliga bergan intervyusida.

Manba: football.kulichki.net