Holand EChLga o'z nomini yozishda davom etadi

Kecha «Borussiya D» mehmonda «Sevilya» ustidan g'alabaga erishdi.

Uchrashuvda dortmundliklar hujumchisi Erling Holand dubl qayd etdi. Bu bilan norvegiyalik futbolchi o'zining EChLdagi gollari sonini 17 taga etkazib oldi. Uning ushbu natijaga 13 ta o'yinda erishgani ham diqqatga sazovor.

Musobaqa tarixida hali hech bir futbolchi qisqa vaqt davomida buncha ko'p gol urmagan edi. U "Borussiya"dan oldin "Zaltsburg" tarkibida ham ko'hna qitada gol urishga erishgan.