Mbappe — «Barselona» - «PSJ» bahsining eng yaxshi futbolchisi

16 fevral, seshanba kuni Evropa chempionlar ligasi nimchorak final bosqichi doirasida «Barselona» — «PSJ» o'yini bo'lib o'tdi. Kataloniyada bo'lib o'tgan uchrashuvda parijliklar 4:1 hisobida g'alaba qozonishdi.

"Pari Sen-Jermen" forvardi Kilian Mbappe mazkur uchrashuvning eng yaxshi o'yinchisi deb topildi. 22 yoshli futbolchi o'yinning 32, 65 va 85-daqiqalarida gol urib, "xet-trik"ni rasmiylashtirdi.

«Mbappe 3ta gol urdi va har bir hujumda xavfni yuzaga keltirdi», — deya futbolchining o'yiniga izoh berdi UEFA texnik nazoratchisi Kosmin Kontra.

«Barselona» va «PSJ» jamoalari o'rtasidagi javob o'yini 10 mart kuni Parijda bo'lib o'tadi.