Ronald Kuman: «Hakamlar eng yaxshi o'yinchilarni himoya qilishlari kerak»

"Barselona" bosh murabbiyi Ronald Kuman "PSJ"ga qarshi o'yin arafasida raqib jamoa safida jarohat olgan Neymar haqida o'z fikrini bildirib o'tdi.

"Neymar, Messi, Krishtianu Ronaldu kabi futbolchilarni himoya qilish kerak. Chunki ular muxlislarga quvonch ulashishadi. Hakamlar ularni himoya qilishlari kerak. Ammo futbol kontaktli sport turi ekanini tushunaman.

Eng yaxshi uchrashuvlar paytida maydonda eng yaxshi o'yinchilar bo'lishi kerak. "PSJ" Neymarsiz qanday o'ynashini bilmayman. Lekin har ikki jamoa safida katta yo'qotishlar mavjud. Javob uchrashuvida barcha maydonda bo'ladi, deb umid qilaman", – dedi Kuman "Marca"ga bergan intervyusida.