Tuxel «Chelsi»ning asosiy maqsadi haqida gapirdi

Londonning «Chelsi» klubi bosh murabbiyi Tomas Tuxel APL navbatdagi turi doirasida o'tgan «Nyukasl»ga qarshi bahsdan (2:0) so'ng o'z fikrlari bilan o'rtoqlashdi.

«Birinchi bo'limdagi o'yinimizdan qoniqish hosil qildim. Garchi 2:0 hisobida g'alaba qozongan bo'lsakda so'nggi pallalardagi ishonchsizlik muxlislarga yoqmagani aniq.

Ammo, o'zimizni ruhiy tomondan endi bir tempga solib oldik. Bizning yagona maqsadimiz mavsumni kuchli to'rtlikda yakunlash», - deydi Tuxel.