Tuxel jamoaning asosiy darvozaboni kimligini aytdi

Londonning «Chelsi» klubi bosh murabbiyi Tomas Tuxel jamoaning bundan keyingi bahslardagi asosiy posboni kim bo'lishiga oydinlik kiritdi.

«Kepa iste'dodli darvozabon ekanini alohida ta'kidlayman. U so'nggi ikki o'yinni "quruq" o'tkazdi ("Barnsli" hamda "Nyukasl" bilan). Ammo bu erda jiddiy o'zgarishlarga qo'l urganim yo'q. Keyingi uchrashuvlarni Mendiga ishonib topshirmoqchiman», - deydi Tuxel.

Eslatib o'tamiz, Mendi «aristokratlar» safiga o'tgan yil yozida «Renn»dan ko'chib o'tgan edi.