OFK kubogi guruh bosqichi O'zbekistonda o'tkazilishi mumkin

OFK kubogi musobaqasining klublarimiz ishtirok etadigan guruh bosqichiga O'zbekiston mezbonlik qilishi mumkin. AGMK va "Nasaf" klublari bu borada o'z roziliklarini bildirib ulgurishdi. Chempionlar ligasi guruh bosqichi mezbonligi uchun esa "Paxtakor" ariza tashlamadi.

Endilikda OFK kubogi guruhi bosqichi mezbonligi uchun Qirg'iziston, Tojikiston va O'zbekiston raqobati vujudga keladi. Tashkiliy jihat va infratuzilma masalalarida biz albatta qo'shnilarimizdan ustunroqmiz. Ammo ular bir emas, ikki guruhga mezbonlik qilishga rozi bo'lishdi. Biz esa faqatgina o'zimizning klublar ishtirok etadigan guruh uchrashuvlarinigina so'radik.

Xabaringiz bor, AGMK Osiyo chempionlar ligasi saralash bosqichidan muvaffaqiyatli o'tsa, jamoa guruh bosqichiga yo'l oladi. Bundan holatda "Nasaf" OFK kubogida ishtirok etish huquqiga ega bo'ladi. Aks holda OFK kubogida faqat AGMK qatnashadi.

Qur'a ko'ra, O'zbekiston klubi "F" guruhidan o'rin oldi. Ushbu guruhdan, shuningdek, "Oltin Asr" (Turkmaniston), "Xo'jand" (Tojikiston) va "Alay" (Qirg'iziston) jamoalari ham joy olishgan.

Manba: footballhd.ru