Xenderson: “Mish-mishlarning hech birida oz bo'lsada haqiqat mavjud emas“

“Liverpul“ sardori Jordan Xenderson jamoaning kiyim almashtirish xonasida bo'lib o'tgan voqealar haqidagi mish-mishlarga izoh berdi.

“Menimcha, klaviatura qarshisida o'tirib olib, murabbiy yoki jamoadagi muhit haqidagi mish-mishlarni to'qib chiqaradigan odamlarning harakatlariga izoh berishimning hojati yo'q.

Eng kulgulisi, kiyim almashtirish xanasidagi Alison Beker va Endryu Robertson o'rtasida yuz bergan kelishmovchilik haqidagi xabar. Ushbu mish-mishlarning hech birida oz bo'lsada haqiqat mavjud emas“,–deb yozadi Xenderson o'zining tvitter sahifasida.

So'nggi paytlarda “Liverpul“ning o'yinida pasayish kuzatilmoqda. Bir qator muvaffaqiyatsizliklar va jamoadagi ayni vaziyat Yurgen Klopp atrofida uning “qizillar“ ustozi lavozimidan ketishi bilan bog'liq ko'plab mish-mishlarni yuzaga keltirmoda.

Ma'lumot uchun, “Liverpul“ 24 tur natijalariga ko'ra, 40 ochko to'plagan holda APL turnir jadvalining oltinchi pog'onasini band etib turibdi.