Kuman: "Ayni paytda "Barselona"dan yaxshiroq jamoalarni ko'rmayapman"

«Barselona» bosh murabbiyi Ronald Kuman EChL 1/8 finalidan o'rin olgan «PSJ»ga qarshi dastlabki uchrashuv oldidan o'z fikrlari bilan o'rtoqlashdi.

«Ayni paytda daraja jihatdan «Barselona»dan yaxshiroq jamoalarni ko'rmayapman. Ammo bizdagi katta o'zgarishlar va yoshlar bilan ko'proq ishlash Chempionlar Ligasida yaxshi natija qayd etishga xizmat qiladi deb o'ylamayman.

Bizda yaxshi jamoa bor va u jismoniy jihatdan tobora shakllanmoqda. Bizda tarkibdagi ajoyib futbolchilar bilan har qanday jamoani mag'lub eta olamiz. Buni Evropaning eng kuchli jamoalariga qarshi o'yinlarda ko'rsatmoqchimiz»-deydi Kuman.