RIP: Emiliano Sala so'nggi manzilga kuzatildi (foto+video)

Argentinaning Progreso shahrida “Kardiff” va “Nant” klublarining sobiq hujumchisi Emiliano Salaning so'nggi manzilga kuzatish marosimi bo'lib o'tdi.

Xayrlashuv marosimi Sala futbolchilik faoliyatini boshlgan “San-Martin de Progreso” klubining binosida o'tkazildi.

VIDEO

Marosimga ko'plab mahalliy aholi, futbolchining yaqinlari, ota-onasi singli va do'stlari to'planishdi.

Odamlar dafn marosimigacha bo'lgan manzilda Salaning tobutiga yaqin kelib xat, surat va gullar qo'yishdi.

Ma'lumot o'rnida, 21 yanvar kuni kechqurun Emiliano Sala Frantsiyaning “Nant” klubidagi jamoadoshlari bilan xayrlashib, “Kardiff Siti” bilan shartnoma imzolash maqsadida, xususiy samolyotda Uelsga uchib ketadi.

Biroq, samolyot ko'zlangan manzilga etib kelishidan 1 soat oldin radarlardan yo'qolib qoldi. Futbolchi halokatga uchrashidan avval WhatsApp’dagi chatga “hozir samolyot parchalanib ketsa kerak”, degan xabarni jo'natishga ulgurgan edi.

Samolyot qoldiqlari 3 fevral kuni dengiz ostidan topildi. Uni izlash ishlariga xayriya asosida katta miqdorda mablag' to'plandi.

Emiliano Raul Sala Taffarel – 1990 yil 31 oktyabr kuni Argentining Las-Kolonyas departamentida dunyoga kelgan.