Beylning sog'lig'ida yana muammo yuzaga keldi

"Tottenxem" hujumchisi Garet Beyl sog'lig'ida yuzaga kelgan muammo tufayli jamoasining navbatdagi bahsida maydonga tusha olmaydi.

"Garet yakshanba kuni bo'lib o'tgan "Vest Bromvich"ga qarshi o'yinda zaxirada qoldi. Dushanba kuni esa u o'zini noqulay his qilayotganini, tekshiruvdan o'tishi kerakligini eshitib, hayron bo'ldim. Seshanba kuni esa u mashg'ulotlarga qaytdi, lekin o'z muammosini hal etish uchun shifokorlar bilan ishlashga qaror qildi. Beylda qandaydir og'riq bor. Shu tufayli u to'la kuch bilan ishlay olmayapti", — dedi Joze Mourinyu Goal.com saytiga bergan intervyusida.

Shunday muammo tufayli Garet "Everton"ga qarshi Angliya kubogi bahsida ishtirok etmadi.

Manba: soccernews.ru