Rasman. Neymar «Barselona»ga qarshi har ikkala o'yinni o'tkazib yuboradi

"PSJ" hujumchisi Neymar Frantsiya kubogining 1/32 final bosqichi doirasida «Kan» klubiga qarshi o'yinda jarohat olib, maydonni tark etgan edi. Braziliyalik futbolchi bugun tibbiy ko'rikdan o'tdi.

Natijada Neymarning chap oyog'i mushagi jarohatlangani aniqlandi. Buning oqibatida u to'rt haftaga safdan chiqdi. Bu haqda klub rasmiy sayti xabar tarqatdi.

Eslatib o'tamiz, "PSJ" Chempionlar ligasi nimchorak final bosqichi doirasida "Barselona"ga qarshi dastlabki o'yinni 16 fevral kuni, javob uchrashuvini esa 10 mart kuni o'tkazadi. Neymar mazkur o'yinlarda o'z jamoasiga yordam bera olmaydi.