O'zbekiston U22 terma jamoasi Superliga klublari bilan nazorat o'yinlari o'tkazadi

U23 Osiyo kubogi saralash bahslariga tayyorgarlik ko'rayotgan O'zbekiston yoshlar terma jamoasi Toshkent shahrida o'quv-mashg'ulot yig'inini boshladi.

17 fevralga qadar poytaxtimizdagi «Chig'atoy» stadionida o'tadigan mashg'ulotlarga murabbiylar shtabi 26 nafar futbolchini jalb etdi. Ravshan Haydarov murabbiyligi ostidagi yoshlarimiz yig'in davomida Superliga klublariga qarshi 3ta nazorat uchrashuvida maydonga tushadi.

Dastlab, U22 terma jamoamiz «Andijon» klubi bilan bahs olib boradi. Ikki kun o'tib esa ular «Qo'qon-1912» vakillariga qarshi maydonga tushadi. Yig'in so'nggida Superliganing yana bir a'zosi «Metallurg» bilan nazorat uchrashuvi bo'lib o'tadi. Barcha o'yinlar «JAR» o'yingohida o'tkazilishi rejalashtirilgan.

O'zbekiston U22 terma jamoasining nazorat uchrashuvlari

13 fevral | O'zbekiston U22 – «Andijon»

15 fevral | O'zbekiston U22 – «Qo'qon-1912»

17 fevral | O'zbekiston U22 – «Metallurg»