IFFHS klublardagi faoliyati eng ko'p gol urgan futbolchilar reytingini e'lon qildi

Yaqinda ko'pgina statistika bilan shug'ullanadigan portallar Krishtianu Ronalduni futbol tarixida rasmiy o'yinlarda eng ko'p gol urgan to'purar sifatida tan olishgan edi.

Chexiya futbol federatsiyasi esa bunga qarshi chiqib, futbol tarixidagi eng yaxshi to'purar Yozef Bitsan ekanini ma'lum qilgan edi.

Futbol tarixi va statistikasi xalqaro federatsiyasi (IFFHS) ham ushbu masalaga to'xtaldi. Tashkilot bugun klublardagi faoliyati davomida ko'p gol urgan o'yinchilar ro'yxatini e'lon qildi.

Unga ko'ra, ushbu ko'rsatkich bo'yicha Romario 689ta gol bilan etakchi bo'lib turgan bo'lsa, undan 5ta gol kamroq urgan Pele ikkinchi pog'onani egallagan.

Faoliyat yuritayotgan o'yinchilardan Ronaldu va Messi ham ushbu ro'yxatdan o'rin olishdi. Portugaliyalik futbolchi 3-o'rinni egallagan bo'lsa, Messi kuchli beshlikka kirdi. Zlatan Ibrahimovich esa 396ta gol bilan 15-pog'onaga joylashgan.

Klublar safida eng ko'p gol urgan o'yinchilar reytingi:

1. Romario - 689 gol
2. Pele - 684 gol
3. Krishtianu Ronaldu - 661 gol
4. Yozef Bitsan - 656 gol
5. Lionel Messi - 651 gol
6. Ferents Pushkash - 645 gol
7. Jimmi Jons - 635 gol
8. Jo Bambrik - 593 gol
9. Eysebio - 581 gol
10. Gerd Myuller - 566 gol