Vilyam Saliba: “Arteta menga tayyor emasligimni aytdi“

"Arsenal"dan "Nitstsa"ga ijara asosida o'tgan himoyachi, Vilyam Saliba London klubidagi faoliyati haqida gapirdi.

“Meni "Arsenal"ga Unai Emeri taklif qilgan va men kelganimda Mikel Arteta allaqachon murabbiy edi. U erga etib borganimda, ular chempionatni yakunlashayotgan edi, men ular bilan mashg'ulot o'tkazmadim, deyarli 5-6 oy mashg'ulotsiz qoldim.

Jamoa ta'tilga chiqqan vaqtda ham men o'z ustimda ishladim. Keyinchalik, ular qaytgach men bir hafta umumiy guruh bilan ishladim. Keyin 2-3 o'rtoqlik uchrashuvi o'tkazildi. Lekin men kirishib, shakllanib ketmagan edim.

Shundan so'ng, murrabiy ikki yarim uchrashuvda men uchun qaror qabul qildi. Formaga kelib olishim uchun menga vaqt va o'yin amaliyoti berilishini xohlagandim. Ammo, murabbiy menga tayyor emasligimni aytdi. Men ko'proq imkoniyatga ega bo'lishni istagandim“ - dedi Saliba.

Manba: RMKsport