Evropa ligasi. «Benfika» – «Arsenal» o'yini Rimga ko'chirildi

Evropa ligasi 1/16 final bosqichidan o'rin olgan «Benfika» va «Arsenal» jamoalari o'rtasidagi o'yin Rimda o'tkaziladigan bo'ldi. Bu haqda " The Guardian" xabar tarqatdi.

Buyuk Britaniyada o'rnatilgan qoidaga ko'ra, Portugaliyadan keladigan fuqarolar uchun jiddiy karantin cheklovlari o'rnatilgani uchun uchrashuv boshqa mamlakatga ko'chirildi.

Hozircha esa Londonda bo'lib o'tishi kerak bo'lgan javob o'yini qaerda o'tkazilishi aniq emas. Bu boradagi qaror keyingi haftada qabul qilinadi.

«Benfika» va «Arsenal» o'rtasidagi dastlabki o'yin 18 fevral, javob bahsi esa 25 fevral kuniga belgilangan.