«Paxtakor» yarimhimoyachisi «Qo'qon-1912»ga o'tdi

Baxtiyor Ashurmatov boshchiligidagi «Qo'qon-1912» jamoasi dushanba kunidan Toshkentda navbatdagi o'quv-mashg'ulot yig'inini boshladi.

Klub matbuot xizmati xabariga ko'ra, «Paxtakor» jamoasi yarimhimoyachisi Asadbek Sobirjonov «Qo'qon-1912» safiga kelib qo'shilgan. Sobirjonov 20 yoshda ekaniga qaramay, Superligada 35ta o'yinda maydonga tushib, 3 ta gol urishga ulgurgan. Asadbek OChLda ham ikkita o'yin o'tkazgan. Huquqiy jihatdan «Paxtakor»ga tegishli futbolchi 2019 yilgi mavsumda «Buxoro» safida to'p surib tanilgandi.

Shuningdek, Farg'ona hokimi kubogida musobaqaning eng yaxshi o'yinchisiga aylangan «Istiqlol» yarimhimoyachisi Anvarjon Hojimirzaev ham «Qo'qon-1912» mashg'ulotlariga qo'shilgan.

Avvalroq, Ashurmatov jamoasi o'z safiga Slavko Lukich (Serbiya), Farhod Bekmurodov, Eldor Adhamov (Andijon), Mo'min Meliev (Mash'al), Andrey Sidorov (Dinamo) singari futbolchilarni qo'shib olgandi.

Manba: tribuna.uz