Shomurodovga «Yuventus» qiziqish bildiryaptimi? Futbolchining agenti javob berdi

«Jenoa» hujumchisi Eldor Shomurodovning agenti German Tkachenko o'zbekistonlik hujumchiga «Yuventus» tomonidan qiziqish bo'layotgani haqidagi xabarlarga munosabat bildirdi.

«Eldor A seriyaning eng eng yaxshi jamoalaridan birida o'ynayotganidan baxtli. Unga APL, Bundesliga va La liga klublari qiziqish bildirgandi, ammo u Italiyani tanladi. Chunki «Jenoa»dan tushgan taklif juda qiziqarli edi. Bu klub Shomurodov faoliyati uchun yaxshi joy.

«Yuventus»ning qiziqishi? Buni eshitish yoqimli. Ammo hozir futbolchi bilan hech kim aloqaga chiqmadi. Ehtimol, bu haqda klub ichida gap bo'lgandir», – dedi Tkachenko "Calciomercato" nashriga bergan intervyusida.