La liga. Luis Suares dubl qayd etgan o'yinda «Atletiko M» so'nggi daqiqalarda g'alabani qo'ldan chiqardi (videosharh)

Ispaniya chempionatining 22-turida «Atletiko Madrid» 8 fevral, dushanba kuni o'z uyida «Selta»ni qabul qildi.

Bellashuvning 13-daqiqasidayoq Santi Mina mehmonlarni oldinga olib chiqdi. Birinchi bo'limning so'ngiga kelib Luis Suares hisobni tenglashtirdi.

50-daqiqada Suares hisobni 2:1 ko'rinishiga keltirib, dublni rasmiylashtirdi. Vigoliklar uchrashuvning 89-daqiqasidagi gol evaziga mag'lubiyatdan qutulib qoldi.

Diego Simeone shogirdlari ochko yo'qotishiga qaramay, 51 ochko bilan musobaqa jadvalida yaqqol peshqadam bo'lib turibdi. Shuningdek, jamoa zaxirasida ikkita o'yin bor. Ketma-ket 3 ta o'yindan beri durang qayd etayogan «Selta» 10-o'rinni band qilib turibdi.

La Liga, 22-tur
8 fevral, dushanba
«Atletiko M»—«Selta» 2:2 (1:1)
Gollar: 0:1 – 13 Santi Mina, 1:1 – 45 Suares, 2:1 – 50 Suares, 2:2 – 89 Ferreyra.
«Atletiko M»: Oblak, Ximenes, Felipe (Torreyra, 46), Savich, Lodi, Saul, Kondogbia, Lorente, Koke, Korrea, Suares.
«Selta»: Ruben Blanko, Arauxo, Murilo, Aaron Martin, Malo, Tapiya, Mendes, Denis Suares, Nolito (Solari, 69), Santi Mina (Ferreyra, 76), Aspas.
Ogohlantirishlar: Tapiya (5), Felipe (23), Ximenes (67), Denis Suares (78).