Tahdidlar sababli APL hakami o'yinlarni boshqarish niyatida emas

Angliya matbuotining tarqatgan ma'lumotiga qaraganda, APL hakami Mayk Din yaqin kelajakdagi o'yinlarni boshqarish niyatida emas. Referi APL rahbariyatidan o'zini o'yinlarga tayinlamasligini so'ragan.

Dinning bunday qarorga kelishiga tahdidlar sabab bo'ldi. Hakam ijtimoiy tarmoqlar orqali ommaviy tahdidlar ostida qolib ketdi.

U so'nggi ikki o'yinda jiddiy xatolarga yo'l qo'ydi. Din «Vest Xem» - «Fulxem» va «Manchester Yunayted» - «Sautgempton» jamoalari o'rtasidagi o'yinlarda xatolar tufayli qizil kartochkalar ko'rsatgandi.

O'z navbatida «Sautgempton» Dinni o'yinlarga tayinlamaslikni APLdan so'ragandi.