Trinkau 27-o'yinda «Barsa»dagi debyut golini urdi (video)

«Barselona» yarim himoyachisi Fransishku Trinkau La liganing 22-turida bo'lib o'tgan «Betis»ga qarshi o'yinda (3:2) raqib darvozasiga g'alaba to'pini kiritdi.

21 yoshli futbolchi bahsning 57-daqiqasida zaxiradan maydonga tushib, 87-daqiqada andalusiyaliklar darvozasini ishg'ol qildi.

Portugaliyalik futbolchi "ko'k-anorranglilar" safida ilk golini urishga muvaffaq bo'ldi. Trinkau bu ishni barcha musobaqalar doirasida 27ta o'yinga kelib amalga oshirdi.

Eslatib o'tamiz, «Barselona» Trinkauni «Braga»dan 31 mln evroga xarid qilgan edi.