Sisse: «U bilan «Liverpul» dahshat jamoaga aylanadi»

Frantsiya terma jamoasi sobiq hujumchisi Jibril Sisse «PSJ» hujumchisi Kilian Mbappeni «Liverpul»ga o'tishi mumkinligi haqidagi fikrlarga o'z munosabatini bildirdi.

– To'g'risini aytsam, bir qator jurnalistlar bilan suhbatlashganimda faqat Kilian Mbappe haqida gaplashdik, chunki u ayni paytda dunyoning eng yaxshi hujumchisi.

Men haqiqatdan ham uni «Liverpul» tarkibida ko'ryapman. Bu katta mablag', lekin, o'ylaymanki, Mbappe bunga arziydi.

– U Yurgen Kloppning boshlang'ich tarkibidan joy egallay oladimi?

– Ha, egallay oladi. U aqlli futbolchi, Kilian – jamoaviy o'yin futbolchisi, shu sababli turli hil pozitsiyalarda o'ynay oladi va Saloh hamda Manelarga yaxshi jamoadosh bo'ladi. Agar Firmino ham jamoada qoladigan bo'lsa, u holda "Liverpul" dashhatli jamoaga aylanadi. Mening fikrimcha, dunyoning eng kuchli klubiga aylanadi, – dedi Sisse.