Gomes: "Men bu jamoaga mos tushishimni bilardim"

«Sevilya»ga yaqinda ko'chib o'tgan Alexandro Gomes o'zining debyut goli haqida fikr bildirdi.

«Debyut o'yinimdagi gol men uchun ancha ahamiyatli edi. To'pga egalik qilishim bilanoq gol urishni o'ylardim. Garchi rekashet bo'lishiga qaramay men buni uddaladim.

Birinchi o'yiningdayoq jamoaning bir bo'lagi ekaningni his qilish anchayin yoqimli. Pozitsiyam ham o'zgarmay qolgan. Men "Sevilya"dek jamoalarga mos tushishimni bilardim. Bu erda hamma yuqori ambitsiyali o'yinchilardan tarkib topgan», - deydi Gomes.

Eslatib o'tamiz, Gomes «Atalanta»dan «Sevilya» safiga 5,5 million evaziga ko'chib o'tgan edi.