La liga. Varanning gollari «Real»ga irodali g'alabani taqdim etdi

Ispaniya chempionatining 22-turi doirasida «Real» safarda musobaqa autsayderi «Ueska» klubi mehmoni bo'lib, qiyin g'alabaga erishdi.

Birinchi bo'limda jamoalardan bittadan imkoniyatga ega bo'lishdi, ammo darvozalarga to'p kirmadi.

Ikkinchi bo'limni esa «Ueska» faol boshladi va raqib darvozasini ishg'ol qildi. Galanning zarbasidan so'ng to'p to'singa tegib, to'rga borib tushdi. Oradan ikki daqiqa o'tib mezbonlar ikkinchi golni urishga juda yaqin kelishdi. Rafa Mirning zarbasidan keyin esa to'p to'singa tegib, maydonni tark etdi.

Madridliklar esa tezda javob qaytarishdi. Bahsning 55-daqiqasida Benzema tomonidan jarimadan yo'llangan zarba natijasida to'p to'singa tegib, yuqoriga ko'tarildi. Pastga tushayotgan to'pni esa Varan bosh bilan darvozaga joylab qo'ydi.

"Real" o'yin so'ngida g'alabani ilib ketdi. Yana bir "standart" madridliklarga g'alaba keltirdi. Modrichning uzatmasidan keyin Kazemiro bosh bilan zarba yo'lladi. Darvozabon qaytargan to'pni esa Varan darvozaga burib yubordi.

Ushbu g'alabadan keyin "Qirollik klubi" o'z ochkolarini 43taga etkazib oldi.

Ispaniya La ligasi, 22-tur
Ueska – Real Madrid 1:2 (0:0, 1:2)
Gollar: 1:0 – 48 Galan, 1:1 – 55 Varan, 1:2 – 84 Varan.
Ueska – Alvaro Fernandes, Galan, Siovas, Pulido, Maffeo, Dumbiya (Ontiveros, 73), Mikel Riko (Xuan Karlos, 86), Seoane, Silva (Ferreyro, 86), Okadzaki (Dani Eskriche, 62), Rafa Mir.
Real Madrid – Kurtua, Varan, Mendi (Marvin, 78), Odriosola (Marselo, 67), Nacho, Modrich, Kroos, Asensio, Kazemiro, Vinisius Junior (Mariano Dias, 78), Benzema.
Ogohlantirishlar: Kroos (32), Maffeo (45), Silva (53).