Luis Suares: «Kuman meni o'z rejalariga kiritmasligini aytganida, bu menga og'ir botdi»

"Atletiko" hujumchisi Luis Suares "Barselona"dan ketishi borasida o'z fikrini bildirib o'tdi.

"Murabbiy meni o'z rejalariga kiritmasligini aytganida, bu menga og'ir botdi. Buni kutmagandim. Kuman menga qo'ng'iroq qildi va bu haqda ochiq aytdi.

Shundan so'ng "Atletiko" bilan muzokara boshladim. Faqat "Atletiko" va "Yuventus" emas, boshqa jamoalardan ham takliflar bor edi. O'zim va oilam uchun manfaatli bo'lgan qaror qabul qilishni istadim", — dedi urugvaylik futbolchi.

Luis Suares mavsum-2020/2021da "matraschilar" safida barcha musobaqalar doirasida 20ta uchrashuvda maydonga tushib, 14ta gol va 2ta assist muallifiga aylandi.