Levandovski ikki yilda ilk marta penaltidan foydalana olmadi (video)

«Bavariya» hujumchisi Robert Levandovski Germaniya chempionatining 20-turi doirasida bo'lib o'tgan «Gerta»ga qarshi o'yinda (1:0) penaltidan foydalana olmadi. Polshalik futbolchining zarbasini berlinliklar posboni Rune Yarsteyn qaytarishga muvaffaq bo'ldi.

Levandovski ikki yildan beri 11 metrli jarima zarbasidan bexato foydalanib kelayotgan edi. U "Bavariya" va Polsha  terma jamoasi safida ketma-ket 17ta penaltini golga aylantirdi. So'nggi marta Robert 2019 yilning 27 yanvar kuni penaltidan «Shtutgart» darvozasini ishg'ol qila olmagan edi (4:1).