Evropa klublari qiziqayotgan darvozabon bir yilga futboldan chetlatildi

Amsterdamning "Ayaks" klubi posboni Andre Onana antidoping qoidalariga ko'ra, 12 oyga futboldan chetlatilganligi haqida klub rasmiy sayti xabar bermoqda.

"O'tgan yilning 30 noyabr kuni musobaqadan tashqari olingan tahlilga ko'ra, darvozabonning tahlil natijasidan furosemid topilgan. Diskvalifikatsiya bugundan e'tiboran kuchga kiradi va bu ta'qiq Halqaro hamda terma jamoa o'yinlariga ham ta'sir qiladi", - deyiladi klub bayonotida.