Klublar o'rtasida JCh. «Tigres» OChL g'olibini mag'lub etib, yarim finalga chiqdi (videosharh)

Bugun klublar o'rtasidagi jahon chempionatiga start berildi. Chorak final bosqichi doirasida Meksikaning «Tigres» klubi Osiyo chempionlar ligasi g'olibi "Ulsan Xyonde" bilan to'qnash kelib, g'alaba qozondi.

Koreyaliklar bahsning 24-daqiqasida Kim Ki Xi tomonidan urilgan gol evaziga hisobni ochishdi. Ammo meksikaliklar tanaffusga qadar ikkita gol urib, oldinga o'tib olishdi. Andre-Per Jinyak 38-daqiqasida muvozanatni tiklagan bo'lsa, qo'shib berilgan daqiqalarda uning o'zi "dubl"ni rasmiylashtirdi.

Mazkur hisob o'yin oxiriga qadar o'zgarmadi. "Tigres" yarim final bahsini 7 fevral kuni Braziliyaning "Palmeyras" klubiga qarshi to'qnash keladi.

"Ulsan Xyonde" esa 5-o'rin uchun maydonga tushadi.

Klublar o'rtasida jahon chempionati.
Chorak final, 4 fevral
«Tigres» (Meksika) – «Ulsan Xyonde» (Janubiy Koreya) - 2:1
Gollar: Andre-Per Jinyak (38, 45+5) — Kim Ki Xi (24)