Moyes: "Uning sermahsul harakatlari Sautgeyt uchun yaxshigina qo'ng'iroq bo'lib jaranglaydi"

Londonning «Vest Xem» klubi bosh murabbiyi Devid Moyes APL navbatdagi turi doirasida «Aston Villa» ustidan qozonilgan g'alabadan so'ng (3:1) o'z fikrlari bilan o'rtoqlashdi.

«O'zimni ancha engil his etyapman. Yakshanba biz uchun rosmana omadsiz yakunlangan edi. Biroq bu oqshomni to'laqonli biz uchun ataldi desak ham bo'laveradi.

"Villa Park"da g'alaba qozonish oson emas. Raqib ikkinchi bo'limda jiddiy muammolarni yuzaga keltirdi. Ammo oldimizga qo'ygan missiyani maksimal darajada uddaladik.

Bu erda albatta, Jessining xizmatlari katta bo'ldi. Hali uning uchun hammasi oldinda. Lingardning sermahsul harakatlari Sautgeyt uchun yaxshigina qo'ng'iroq bo'lib jaranglaydi», - deydi Moyes.