«Milan» Evropa Ligasi pley-off o'yinlari uchun futbolchilar ro'yxatida o'zgarish qildi

Italiyaning «Milan» klubi Evropa Ligasining pley-off bosqichida ishtirok etadigan futbolchilar ro'yxatiga o'zgartirish kiritdi.

«Rossonerlar»ning yangi futbolchilari - Mario Mandjukich, Fikayo Tomori va Sualio Meytelar ushbu ro'yxatdan joy oldi.

Guruh bosqichi o'yinlarida uchta gol kiritgan yarim himoyachi Yens Xeuge esa pley-off uchun ro'yxatdan chiqarildi.

Evropa Ligasining 1/16 final bosqichida «Milan» «Tsrvena Zvezda» jamoasi bilan 18 fevral kuni bellashadi.