Hamdamov yangi jamoasini qutqarib qola oladimi?

Bundan bir oy avval Birlashgan Arab Amirliklarining «An-Nasr» klubi shartnoma imzolagan Dostonbek Hamdamov faoliyatini boshqa jamoada davom ettiradigan bo'ldi. BAAning "Hatta" klubi o'zbekistonlik futbolchini yarim yilga ijaraga oldi.

"An-Nasr" 30 yanvar kuni Dostonni ro'yxatdan chiqargan bo'lsa, 31 yanvar kuni "Hatta" uni ijaraga olganini e'lon qildi. Dubay shahri sharafini himoya qiluvchi ushbu jamoa BAA yuqori divizionida eng so'nggi pog'onani egallab turibdi. Jamoa 14ta o'yindan 12tasida yutqazib, ikkitasida durang o'ynagan. "Hatta" hali g'alaba nashidasini surmadi.

Klub Hamdamovdan tashqari sloveniyalik Miral Smarich, braziliyalik Jonatan de Jezus, misrlik Hussam Muhammad, marokashlik Ayman Richoq va Anis Karimiy bilan shartnoma imzoladi. "Hatta" bu orqali BAA chempionatida jon saqlab qolishga harakat qiladi.