Mourino: "Alli bilan gaplashib oldik, barchasi joyida"

«Tottenxem» ustozi Joze Mourino jamoa yarim himoyachisi Dele Alli borasida fikr bildirdi.

«Kecha Alli bilan yaxshi suhbat bo'ldi. O'ylaymanki, biz umumiy til topishib oldik. Oldinda u va jamoa uchun muhim bosqich turibdi. U bizga kerak. Bizga yaxshi sport formasidagi Dele Alli kerak. Uning normal holatga qaytishini kutyapmiz.

Albatta, futbolchini bir dona yaxshi so'z bilan yaxshi sport formasiga qaytara olmaysan, lekin umid qilamanki, u qo'shimcha motivatsiya oladi. U jarohatidan tiklanib olishi, mashg'ulotlarga qaytishi va barchasini boshidan boshlashi kerak», - dedi Mourino.