"Paxtakor" BAAdagi yig'inini mag'lubiyat bilan yakunladi

Dubaydagi yig'inda "Paxtakor" uchinchi nazorat bahsida Latviya chempioni "Riga"ga imkoniyatni boy berdi.

Bu safar ham bosh murabbiy Piter Xyuistra to'liq ikki tarkibni sinab ko'rdi. Birinchi bo'limda maydonda deyarli teng kurash bordi. Jamoamiz bir necha qulay imkoniyatlarni yuzaga keltirdi. Derdiyok va Cheranning urinishlari xavfli chiqdi, biroq golga aylanmadi. Ikkinchi bo'limda amalga oshirilgan o'zgarishlardan keyin rigaliklar ikki to'p kiritishdi. Dastlab Mbombo penaltidan unumli foydalangan bo'lsa, keyin Filippov boshi bilan darvoza oldidan aniq zarba berib oradagi farqni oshirdi. Shu tariqa jamoamiz Dubay yig'inida so'nggi nazorat o'yinida mag'lubiyatga uchradi.

"RIGA" - "PAXTAKOR" - 2:0 (0:0)
3 fevral. Dubay. "Jebel Ali" majmuasi.
"Riga": Purin, Fyodorov, Chernormordiys, Vranyanin, Rugins, Pishkevich, Nata, Brisola, Ramos, Kamess, Miloshevich.

"Paxtakor": Suyunov (Quvvatov, 32; Isaqov, 63), Alijonov (Komilov, 46), A'zamov (Chobanov, 63), Krimets (Anzur Ismoilov, 46), Sayfiev (Azmiddinov, 63), Hamrobekov (Xolmatov, 63), Sobirxo'jaev (Iminov, 54), Turg'unboev (Erkinov, 57), Yo'ldoshev (Roziev, 63), Cheran (Temirov, 63), Derdiyok (Xoldorxonov, 63).

Gollar: Mbombo, 69-pen - 1:0. Filippov, 75 - 2:0.