Sarri Frantsiya chempionatida ish boshlashi mumkin

Italiyalik murabbiy Mauritsio Sarri Frantsiyaning «Marsel» klubini boshqarishi mumkin. Bu haqda Italiya matbuoti xabar tarqatmoqda.

Eslatib o'tamiz, "Marsel" rahbariyati bugun jamoa bosh murabbiyi Andre Villash-Boash bilan xayrlashdi. Shu sababli, klub rahbariyati yangi murabbiy izlamoqda.

Manbaning yozishiga qaraganda, Sarri mavsum mobaynida qandaydir jamoani boshqarishni rejalashtirmagan. U joriy mavsum yakuniga etgach, yangi mavsum avvalidan biror bir jamoani boshqarish niyatida.