«Barselona» «Jirona» bilan o'yinni AQShda o'tkazish g'oyasidan voz kechdi

"Barselona" klubi La liga doirasida "Jirona"ga qarshi o'yinni AQShda o'tkazish g'oyasidan voz kechdi. Bu haqda "ko'k-anorranglilar" rasmiy sayti xabar tarqatdi. O'yin 27 yanvar kuni Mayamida bo'lib o'tishi rejalashtirilgan edi.

"Ushbu g'oyani amalga oshirish bo'yicha tomonlar bir to'xtamga kela olishmagan ekan, demak, klub Mayamida o'yin o'tkazish fikridan voz kechadi. Bu o'yinni AQShda o'tkazishga tayyor edik. Bu bahsdan oladigan foydani tushunib turgan edik, ammo kelishuv amalga oshmagan ekan, bu loyihani amalga oshirilmaydi", – deyiladi "Barselona" tarqatgan bayonotda.