Pochettino: «Hech qachon «Barselona» va «Marsel» klublarini boshqarmayman»

Frantsiyaning «PSJ» ustozi Maurisio Pochettino har qanday holatda ham boshqarmaydigan ikki klub nomini ma'lum qildi.

«Men hech qachon «Barselona»ni boshqarmayman. Bu shunchaki imkoniyatsiz. Menda hayot haqida aniq g'oyalar bor, bu shaharning bir qismi bilan aloqa mavjud va bu ish bilan tanlov qilish mumkin emas.

«Marsel» bilan ham xuddi shunday holat», – dedi «Espanol» sobiq himoyachisi va "PSJ"ning amaldagi bosh murabbiyi RMC Sport bilan suhbatda.

Katta tishlasang ham, katta gapirma degan ota-bobolarimiz. Bir paytlar Joze Mourino "Men uchun Evropa Ligasi finalida o'ynash uyat, hech qachon bu musobaqada ishtirok etmayman" - degandi. Charxpalak dunyoda Mourino "MYu" bilan Evropa Ligasida g'olib chiqqandi...