Gattuzo "Napoli"dan ketishga qaror qildi

Italiya matbuotining tarqatgan ma'lumotiga qaraganda, "Napoli" ustozi Jennaro Gattuzo va klub prezidenti Aurelio De Laurentislarning o'rtasidagi munosabat yomonlashdi. Shu sababli, italiyalik mutaxassis jamoani yozda tark etishga qaror qildi.

Avvalroq, Gattuzo Neapol klubi bilan uzoq muddatli shartnoma imzolashi haqida xabarlar tarqatilgandi. Biroq, jamoaning o'yinida pasayish kuzatilganidan keyin tomonlar kelishuvga erisha olmadi. Yakunda Gattuzo katta ehtimol bilan yozda jamoani tark etishini klub rahbariyatiga ma'lum qildi.