"Tottenxem" futbolchisi "PSJ"ga o'tmaydigan bo'ldimi?

«Tottenxem» yarim himoyachisi Dele Alli Frantsiyaning «PSJ» klubiga ko'chib o'tmaydigan bo'ldi. Frantsiya matbuotining yozishiga qaraganda, "shporlar" o'zining 24 yoshli futbolchisiga o'rinbosar topa olmagani uchun uni Parijga qo'yib yubormadi.

Joriy mavsum Alli «Tottenxem» tarkibida kam o'yin amaliyotiga ega bo'lmoqda. Yarim himoyachi APL doirasida to'rtta uchrashuvda maydonga tushdi va 74 daqiqa harakat qildi.

Alli «Tottenxem» tarkibida olti yildan beri o'ynab kelmoqda va 234 ta o'yinda maydonga tushishga ulgurgan.