"MYu"ning sobiq hujumchisi Saudiya Arabistoniga ko'chib o'tyapti

Xitoyning "Shanxay Shenxua" klubi hujumchisi Odion Igalo faoliyatini Saudiya Arabistoni chempionatida davom ettirishi mumkinligi haqida Sky Sports xabar tarqatmoqda.

31 yoshli nigeriyalik hujumchi "Al-Shabab" jamoasi bilan shartnoma imzolashi kutilmoqda. Ayni paytda tomonlar muzokara olib borishmoqda.

Eslatib o'tamiz, Odion Igaloning so'nggi jamoasi "MYu" bo'lib, "qizil iblislar" safida ijara asosida to'p surgandi.