“Arsenal“ hamshaharini o'z safiga qo'shib olmoqchi

Londonning “Arsenal“ klubi poytaxtning boshqa bir jamoasi “Kristal Pelas“ a'zosi Patrik van Anxoltni o'z safiga qo'shib olishga harakat qilib ko'radi.

Britaniya matbuoti tarqatgan xabarga ko'ra “to'pchilar“ niderlandiyalikni o'ng qanot himoyachisi Kiran Tirniga o'rinbosar sifatida ko'rmoqda. “Arsenal“ Van Anxoltni mavsum oxiriga qadar ijaraga oladi. Shuningdek, shartnoma bandida keyinchalik sotib olish sharti bo'lishi ham ko'zda tutilgan.

31 yoshli futbolchi joriy mavsum “burgutlar“ safida 12 ta o'yinda maydonga tushdi.