David Luiz: «Qayd etilgan natijadan biroz xafamiz»

Londonning «Arsenal» himoyachisi David Luiz 21-tur doirasida «Manchester Yunayted» (0:0) jamoasiga qarshi o'yindan keyingi fikrlari bilan o'rtoqlashdi.

«Biroz xafaman, chunki biz g'alaba qozonishni sevamiz. G'alaba qozonish uchun bor kuchimizni ishga solgandik.

Murabbiyimiz katta ishni amalga oshirmoqda, tarkibimizdagi yoshlar shunchaki fantastik o'yin namoyish etishmoqda. O'ylaymanki, bizda ajoyib muhit ostida barpo etilgan haqiqiy jamoa mavjud. Lekin, agar har kuni bor e'tiborimiz bilan mehnat qilmasak, barcha narsa o'zgarib ketishi mumkin.

Qiyin davrni engib o'tganimizdan yigitlar qoniqish hosil qildi. Lekin biz peshqadamlardan ancha ortdamiz. O'yindan o'yinga yaxshi o'ynashda davom etishimiz kerak, shunda ko'ramiz mavsum yakunida qanday o'rinni egallashimizni.

Birinchi o'rinlar uchun kurash bizning ambitsiyamizga mos keladi, biz har kuni shu haqda o'ylaymiz», – dedi Luiz Sky Sports bilan suhbatda.