BAA chempionati. Masharipov debyut qilgan o'yinda «Shabab al-Ahli» g'alaba qozondi

Birlashgan Arab Amirliklari chempionatining 14-turi doirasida "Shabab al-Ahli" klubi o'z maydonida "Kalba"ni qabul qilib, ishonchli g'alabani qo'lga kiritdi.

Mezbonlar birinchi bo'limda ikkita gol urishga muvaffaq bo'ldi. Muhammad Juma va Majid Hassan gol muallifiga aylanishdi. Ikkinchi taymda esa hisob o'zgarmadi va "Shabab" muhim g'alabani qo'lga kiritdi. Jamoa ushbu g'alaba tufayli o'z ochkolarini 22taga etkazib, jadvalda 6-o'ringa ko'tarilib oldi.

Azizjon G'aniev mazkur bahsni asosiy tarkibda boshlab, hakamning final hushtagi yangraguncha maydonda harakat qilgan bo'lsa, Jaloliddin Masharipov esa 72-daqiqada Kartabiya o'rniga maydonga tushirildi.

Darvoqe, Masharipov "Shabab al-Ahli" safida 7-raqamli futbolkada o'ynamoqda.

BAA chempionati, 14-tur.
"Shabab al-Ahli" - "Kalba" - 2:0 (2:0)
Gollar: Muhammad Juma (28), Majid Hassan (33)
"Shabab al-Ahli": Majid Nosir, Haykal, Muhammad Jobir, Sayid Ahmad, Al-Kamoliy, Azizjon G'aniev, Majid Hassan, Eduardo (Abdulloh al-Naqbiy 72), Kartabiya (Jaloliddin Masharipov 72), Muhammad Juma (Yahyo al-G'assoniy 90+1), Igor Jezus