Kris Smolling: "MYu"dan yana qo'rqa boshladilar"

"Manchester Yunayted" himoyachisi Kris Smolling Angliya chempionatidagi raqiblar uning jamoasidan qo'rqa boshlaganlarini aytdi.

"Manchester Yunayted" yana o'yini qiziq jamoaga aylandi. Hatoo oilam, do'stlarim va ko'chada uchragan muxlislar ham buni ta'kidlamoqdalar.

"MYu"dan yana qo'rqa boshladilarmi? Umid qilamanki, bu haqiqat. Oxirgi ikki oyda ishonchli o'ynayapmiz.

Imkoniyat bo'lsa ko'proq gol ura olishimizni his qilyapmiz. Bizdan yana qo'rqa boshladilar.

"Old Trafford"ga kelayotgan raqiblar ma'lum darajada qo'rquvni his qilayotganini sezyapmiz. Ular hozir durang yoki yaxshi natijaga umid qilmoqdalar, avval esa g'alabaga umid qilar edilar", - deydi Smolling.