Rasman. «An-Nassr» Jaloliddin Masharipovning transfer huquqini sotib oldi

"Paxtakor" yarim himoyachisi Jaloliddin Masharipov faoliyatini Saudiya Arabistoni klubida davom ettiradi.

Faoliyatini "Paxtakor" yoshlar tizimidan boshlab, asosiy jamoa safida 4 marta O'zbekiston chempioni, 2 marta O'zbekiston va bir bor Liga Kubogida zafar quchgan yarim himoyachi Jaloliddin Masharipov Saudiya Arabistonining "An-Nassr" klubiga ko'chib o'tdi. Jamoalar o'rtasida transfer shartnomasi rasman imzolandi.

"Paxtakor" tarkibida Masharipov ayni paytga qadar Superligada 141 o'yinda 24 gol urishga erishgandi. Chempionlar Ligasida 29 bellashuvda 4, mamlakat kuboklarida 30 bahsda ishtirok etib, 5 to'p muallifiga aylangan.

Manba: pakhtakor.uz

Eslatib o'tamiz, "An-Nassr" klubiga yangi futbolchini ro'yxatdan o'tkazish taqiqi qo'yilgani uchun ar-riyodliklar Masharipovni BAAning "Shabab al-Ahli" klubiga yarim yilga ijaraga berish borasida kelishuvga erishgan.