«Real» prezidenti Serxio Ramosga so'nggi so'zni aytdi

«Real» rahbariyati himoyachi Serxio Ramos bilan shartnomani uzaytirishga tayyor. Ammo klub prezidenti Florentino Peres faqat o'zining shartlari asosida sardor bilan yangi shartnoma imzolaydi.

Unga ko'ra, «Madrid» 34 yoshli Ramosga hozirgi maoshiga nisbatan 10% kamroq maosh bilan bir yillik shartnoma taklif qilmoqda. Agar futbolchi bunga rozi bo'lmasa, u o'ziga boshqa jamoa qidirishi mumkinligini Peres ta'kidladi.

Ushbu taklif esa Serxioni qanoatlantirmayapti. U hozirgi maoshi kamaytirilmagan holda ikki yillik shartnoma istamoqda.