Kutilmagan bayonot! Mbappe «Barselona»ga o'tishi mumkin

"PSJ" hujumchisi Kilian Mbappe «Barselona»ga o'tishi mumkin. Bu haqda Lionel Messining agenti Xosep Mingelya "Catalunya Radio" jurnalistlariga ma'lum qilgan.

Agentning aytishicha, "ko'k-anorranglilar" futbolchi va uning oilasi bilan aloqaga chiqishgan.

«Biz Mbappening oilasi bilan gaplashdik. Uning 2022 yilda yakunlanadigan shartnomasini kutish bo'yicha kelishuvga erishdik. «Barselona» ushbu vaziyatdan unumli foydalanib, Kilianga yaxshi shartnoma taklif qilmoqchi», - dedi Mingelya.