Pirlo: «Ronaldu o'z xatti-harakatlari uchun o'zi javob beradi»

«Yuventus» bosh murabbiyi Andrea Pirlo karantin qoidalarini buzgan Krishtianu Ronaldu haqida o'z fikrini bildirdi.

«Unga dam berilgandi. Shu bois, u o'zi istagan ishni qilishi mumkin. Ronaldu o'z xatti-harakatlari uchun o'zi javob beradi», – dedi Pirlo.

Eslatib o'tamiz, Ronaldu va uning qallig'i Jorjina Rodriges karantin qoidalarini buzib, Valle-d’Aosta mintaqasidagi chang'i kurortiga borishgan edi. Valle-d’Aosta politsiyasi mazkur holat bo'yicha surishtiruv ishlarini boshlagani haqida avvalroq xabar tarqatilgan edi.