Rivaldo: «Barselona» Messini sotmasdan, xatoga yo'l qo'ydi»

«Barselona» klubi sobiq futbolchisi Rivaldoning fikricha, "ko'k-anorranglilar" yozda Lionel Messini sotib yuborib, katta pul ishlab olishlari kerak edi. Argentinalik futbolchi 2021 yilning yozida erkin agentga aylanadi.

«Jamoaning avvalgi rahbariyati Messini sotmasdan xatoga yo'l qo'ydi. Ular Ronalduni 100 million evroga sotgan "Real" kabi ish tutishlari kerak edi.

Shunday iqtidor egasi jamoani bepul tark etayotganini ko'rish og'riqli, ayniqsa, «Barselona» moliyaviy muammolar botqog'iga botgan paytda. Endi Leo klubni erkin agent sifatida tark etadi», — dedi Rivaldo.